پاکستان نے اپنے پہلے جدید ہائپر اسپیکٹرل سیٹلائٹ کی تیاری مکمل کر لی ہے، جو اکتوبر 2025 میں خلا میں روانہ کیا جائے گا۔ یہ سیٹلائٹ اسپیس اینڈ اپر ایٹموسفیئر ریسرچ کمیشن (سپارکو) کی زیر نگرانی تیار کیا گیا ہے۔
اس سیٹلائٹ کی مدد سے ملک کو معدنی وسائل کی تلاش، زراعت کی بہتری، سیلاب کی نگرانی، گلیشیئرز کے پگھلنے اور فضائی آلودگی کے مطالعے میں بڑی پیش رفت حاصل ہو گی۔
سپارکو کے چیئرمین محمد یوسف کے مطابق، سیٹلائٹ زمین کی سطح، پودوں، مٹی اور پانی کے معیار سے متعلق تفصیلی اور درست ڈیٹا فراہم کرے گا، جس سے وہ کام جو پہلے مہینوں یا برسوں میں ہوتے تھے، اب چند دنوں میں مکمل کیے جا سکیں گے۔
یہ منصوبہ پاکستان میں قدرتی وسائل کے مؤثر اور سائنسی استعمال کی جانب ایک اہم قدم سمجھا جا رہا ہے، جو تحقیق اور ترقی کے نئے دروازے کھولے گا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔