سونا 7 ہزار روپے سستا، فی تولہ قیمت میں بڑی کمی

کراچی: ملکی صرافہ مارکیٹ میں سونے کی قیمت میں بڑی کمی ریکارڈ کی گئی ہے۔
آل پاکستان جیمز اینڈ جیولرز ایسوسی ایشن کے مطابق فی تولہ سونا 7 ہزار روپے سستا ہوکر 4 لاکھ 23 ہزار 662 روپے پر آگیا ہے۔
اسی طرح 10 گرام سونے کی قیمت میں بھی 6002 روپے کی کمی ہوئی، جس کے بعد نیا ریٹ 3 لاکھ 63 ہزار 221 روپے مقرر کیا گیا ہے۔
عالمی مارکیٹ میں بھی سونا سستا ہوا ہے، جہاں قیمت 70 ڈالر کمی کے بعد 4013 ڈالر فی اونس رہی۔









