سنہری منڈی میں غیر معمولی ہلچل ، قیمت میں دوسرے روز بھی بڑااضافہ

ملکی صرافہ مارکیٹ میں سونے کی قیمتوں میں مسلسل دوسرے روز بھی نمایاں اضافہ ریکارڈ کیا گیا ہے، جس سے سنہری منڈی میں غیر معمولی سرگرمی دیکھنے میں آ رہی ہے۔ صرف دو دن کے اندر فی تولہ قیمت میں مجموعی طور پر 10 ہزار روپے کا اضافہ ہوا ہے۔

آج کے جاری اعداد و شمار کے مطابق سونا فی تولہ مزید 2300 روپے مہنگا ہو کر 4 لاکھ 38 ہزار 862 روپے تک پہنچ گیا۔ اسی طرح دس گرام سونے کی قیمت بھی 1972 روپے اضافے کے بعد 3 لاکھ 76 ہزار 253 روپے ہو گئی ہے۔

بین الاقوامی مارکیٹ میں بھی سونے کی قدر میں اضافہ دیکھنے میں آیا، جہاں فی اونس قیمت 23 ڈالر بڑھ کر 4165 ڈالر پر پہنچ گئی۔

دوسری جانب چاندی کی فی تولہ قیمت میں بھی 60 روپے اضافہ ہوا ہے، جس کے بعد نئی قیمت 5482 روپے مقرر کی گئی ہے۔