ایشیا کپ ٹی ٹوئنٹی کے سب سے بڑے مقابلے میں آج پاکستان اور بھارت کی ٹیمیں دبئی میں آمنے سامنے ہوں گی، جہاں شائقین کرکٹ کو ایک سنسنی خیز ٹاکرے کی امید ہے۔
میچ سے قبل بھارت کے سابق کرکٹر اور معروف کمنٹیٹر سنجے منجریکر نے پاکستان کے اسپن بولنگ اٹیک کو بھارتی بیٹنگ لائن کے لیے ممکنہ خطرہ قرار دیا ہے۔ ان کا کہنا تھا کہ متحدہ عرب امارات کی کنڈیشنز کو مدنظر رکھتے ہوئے پاکستان نے روایتی فاسٹ بولنگ پر انحصار کرنے کے بجائے اسپن پر توجہ مرکوز کی ہے، جو کہ ایک مؤثر حکمتِ عملی ثابت ہو سکتی ہے۔
منجریکر نے پاکستان کی حالیہ فتوحات، جن میں سہ ملکی سیریز میں افغانستان کے خلاف اور ایشیا کپ کے ابتدائی میچ میں عمان کے خلاف کامیابیاں شامل ہیں، کو سراہتے ہوئے کہا کہ یہ بولنگ کمبی نیشن بھارتی بیٹرز کے لیے چیلنج پیدا کر سکتا ہے۔
ان کا کہنا تھا، “مجھے پاکستان کا موجودہ بولنگ کمبی نیشن پسند آیا، کیونکہ یہ بھارتی بیٹرز کو روایتی انداز سے ہٹ کر کچھ نیا سوچنے پر مجبور کرے گا۔”
تاہم انہوں نے پاکستانی بیٹنگ لائن میں مزید بہتری کی گنجائش کا بھی ذکر کیا، اور کہا کہ مضبوط حریفوں کے خلاف کامیابی کے لیے بیٹنگ کو مستحکم بنانا ضروری ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔