ہاٹ لائن نیوز: سی ٹی ڈی کی کارروائی کے دوران ایک دہشت گرد اپنے ہی ساتھیوں کے ہاتھوں مارا گیا۔
ترجمان کاؤنٹر ٹیررازم ڈیپارٹمنٹ کے مطابق گوجرانوالہ کے علاقے ایمن آباد میں سی ٹی ڈی اور دہشت گردوں کے درمیان فائرنگ کا تبادلہ ہوا جس میں ایک دہشت گرد اپنے ہی ساتھیوں کی فائرنگ سے مارا گیا جب کہ سی ٹی ڈی ٹیم معجزانہ طور پر بچ گئی ۔
خفیہ اطلاع پر کیے گئے چھاپے کے دوران 3 دہشت گرد موقع سے فرار ہونے میں کامیاب ہوگئے۔ سی ٹی ڈی حکام نے مقدمہ درج کر لیا ہے۔ ہلاک دہشت گرد کے قبضے سے اسلحہ، سیفٹی فیوز، دھماکہ خیز مواد، کارتوس برآمد ہوا ہے۔
مارے گئے دہشت گرد کی شناخت کے لیے نادرا سے مدد لی جا رہی ہے۔ کالعدم تنظیم کے دہشت گرد اہم مقامات پر دہشت گردی کی منصوبہ بندی کر رہے تھے۔ فرار ہونے والے دہشت گردوں کی تلاش کے لیے سرچ آپریشن جاری ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔