دھوکے باز کو جعلسازی مہنگی پڑ گئی

ہاٹ لائن نیوز : ابوظہبی میں ایک ٹھگ نے انتہائی سستے ٹکٹ حاصل کرنے کے بہانے 57 ہزار درہم مالیت کے جعلی ایئر لائن ٹکٹ فروخت کر دیے۔ ابوظہبی کی فیملی کورٹ نے مجرم کو 57 ہزار درہم ہرجانہ ادا کرنے کا حکم دیا۔

تفصیلات کے مطابق متاثرہ کے اہل خانہ نے ابوظہبی کی فیملی کورٹ میں مقدمہ دائر کرتے ہوئے مطالبہ کیا تھا کہ ایک شخص نے سستے ہوائی ٹکٹ کے بہانے ان سے 57 ہزار درہم کی رقم ہتھائی اور یہ رقم 12 فیصد کے ساتھ واپس کی جائے۔ وکیل کی فیس اور قانونی اخراجات کی ادائیگی بھی کی جائے ۔

مدعی کا کہنا تھا کہ عدالت نے ملزمان کی عدم موجودگی میں سزا سنائی۔ عدالت نے مدعی کی دیگر درخواستوں کو مسترد کرتے ہوئے مدعا علیہ کو 57 ہزار درہم کی رقم ہرجانہ ادا کرنے کا حکم دیا تاہم اس نے مدعا علیہ کو عدالتی اخراجات بھی ادا کرنے کا حکم دیا۔