ہاٹ لائن نیوز : بلوچستان کے علاقے دکی میں کوئلے کی کانوں پر مسلح افراد کے حملے میں 21 کان کن جاں بحق اور 7 زخمی ہوگئے جب کہ حملہ آوروں نے کوئلے کی دس کانوں کےانجنوں کوبھی آگ لگا دی گئی۔
پولیس کے مطابق کوئلے کی کانوں پر مسلح افراد کے حملے میں سول سیکیورٹی اہلکار اجمل بھی شہید ہوئے جس کے بعد واقعے میں جاں بحق افراد کی تعداد 21 ہوگئی۔
اس سے قبل دکی میں جمعرات کی رات مسلح افراد نے شہر سے 7 کلومیٹر مغرب میں واقع جنڈ کول کمپنی میں ڈسٹرکٹ چین مین دکی حاجی خیر اللہ ناصر کی کوئلے کی کانوں پر حملہ کیا، حملہ رات 11 بج کر 45 منٹ پر کیا گیا۔
ایس ایچ او دکی ہمایوں خان ناصر کیمطابق حملے میں کوئلے کی کانوں میں کام کرنیوالے 20 مزدور جانبحق اور 7 زخمی ہوئے۔
ڈسٹرکٹ چیئرمین حاجی خیر اللہ ناصر کے مطابق مسلح افراد نے جنڈ کول کمپنی میں واقع میری نجی کوئلہ کانوں پر حملہ کیا، مسلح افراد نے کوئلے کی کان کے 10 انجنوں کو بھی پٹرول چھڑک کر آگ لگا دی جب کہ حملے میں بھاری ہتھیار، راکٹ لانچرز اور دستی بموں کا استعمال کیا گیا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔