ہاٹ لائن نیوز : حکومت نے ججوں کی مدت ملازمت میں توسیع کے معاملے پر آئینی ترمیم کیلیے پارلیمنٹ کے دونوں ایوانوں کے الگ الگ اجلاس طلب کر لیے ہیں۔ قومی اسمبلی کا اجلاس تین بجے اور سینیٹ کا اجلاس چار بجے ہوگا جب کہ دونوں ایوانوں کیجانب سے جاری کیے گئے ایجنڈے میں آئینی ترمیم شامل نہیں تاہم قائد ایوان اسحاق ڈارکیجانب سے آئینی ترمیم کو شامل کیا گیا ہے۔ سوالات کو معطل کرنے کی تحریک ایجنڈا میں شامل ہے، مجوزہ آئینی ترمیم لانے کی صورت میں قواعد و ضوابط کی معطلی کی تحریک ایوان میں پیش کرنا ہوگی۔
قومی اسمبلی کے اجلاس کا 6 نکاتی ایجنڈا جاری کر دیا گیا جس میں سوال و جواب کا اجلاس اور دو نکاتی نوٹس شامل ہیں۔ جاری کردہ ایجنڈے میں آئینی ترمیم کا معاملہ شامل نہیں تھا تاہم حکومت ضمنی ایجنڈا پیش کرنے کا آپشن استعمال کر سکتی ہے۔
سینیٹ اجلاس کا 5 نکاتی ایجنڈا جاری کردیا گیا، جس میں قائد ایوان اسحاق ڈارکی جانب سے سوالات کی التوا ایجنڈے کا حصہ ہے، ایجنڈے میں سینٹر ضمیر حسین اور سینٹر سیف اللہ ابڑو کی توجہ دلاؤ نوٹس بھی شامل ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔