وزیر اعظم شہباز شریف سعودی ولی عہد شہزادہ محمد بن سلمان کی دعوت پر سعودی عرب پہنچے تو سعودی ایئر فورس کے جنگی طیاروں نے ان کا شاندار انداز میں خیر مقدم کیا۔
وزیر اعظم کا طیارہ جیسے ہی سعودی فضائی حدود میں داخل ہوا تو سعودی ایف-15 لڑاکا طیاروں نے حصار بنا کر پروٹوکول دیا۔ وزیر اعظم نے کاک پٹ جا کر سعودی فضائیہ کو سلامی دی اور مائیک کے ذریعے ولی عہد کا خصوصی شکریہ بھی ادا کیا۔
وزیر دفاع خواجہ آصف کے مطابق یہ اقدام سعودی حکومت کی برادرانہ محبت اور اعتماد کی علامت ہے۔ ان کے بقول عالم اسلام میں یہ مقام اللہ کی مہربانی، وزیر اعظم کی سفارتی مہارت اور پاکستانی افواج کی کامیابیوں کا نتیجہ ہے۔
ذرائع کے مطابق وزیر اعظم شہباز شریف سعودی عرب کے بعد برطانیہ روانہ ہوں گے جہاں وہ دو روز قیام کریں گے، اس کے بعد وہ امریکا جائیں گے۔ امریکا میں ان کا اقوام متحدہ کی جنرل اسمبلی سے خطاب متوقع ہے جبکہ امریکی صدر ڈونلڈ ٹرمپ سے ملاقات کے امکانات بھی زیر غور ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔