دوران طواف انتقال کر جانے والا خوش نصیب محمد ظہیر

ہاٹ لائن نیوز : مشکل سے حج کا ویزہ ملنے والا عمرہ کے دوران طواف کرتے ہوئے فوت ہوگیا، اس شخص نے بڑی مشکل سے حج کا ویزا حاصل کیا اور عمرہ کرتے ہوئے بیت اللہ پہنچے تو اس کی روح پرواز کر گئی۔

محمد ظہیرجو 29 مئی کو مکہ مکرمہ پہنچا، عشاء کی نماز کے بعد انہوں نے عمرہ شروع کیا۔ تاہم طواف کے دوران اچانک دل کا دورہ پڑنے سے وہ گر گئے۔

محمد ظہیر طواف کے دوران نیچے گر گئے، انہوں نے کھڑے ہونے کی پوری کوشش کی لیکن دوبارہ نیچے گر کر بے ہوش ہو گئے، میڈیا رپورٹس کے مطابق ان کی موت حرکت قلب بند ہونے سے ہوئی۔

حرم انتظامیہ کی جانب سے محمد ظہیر کو طبی امداد دینے کے لیے ایک ریسکیو ٹیم موقع پر پہنچی لیکن اس وقت تک انکی روح روانہ ہو چکی تھی۔

ملائیشین شہری کے ساتھ عمرہ کرنے آئی ان کی اہلیہ نے میڈیا سے گفتگو کرتے ہوئے کہا کہ ظہیر کسی قسم کے عارضے میں مبتلا نہیں اور نہ ہی انہیں کوئی بیماری ہے۔

ان کی اہلیہ کا کہنا تھا کہ میرے شوہر کی وفات حرم شریف میں لکھی گئی، یہ خبر سوشل میڈیا پر تیزی سے وائرل ہوگئی اور سوشل میڈیا صارفین مرحوم محمد ظہیر کو خوش قسمت انسان قرار دیتے نظر آرہے ہیں۔