دنیا زراعت میں ترقی کر گئی ہم وقت ضائع کر رہے ہیں

دنیا زراعت میں ترقی کر گئی ہم وقت ضائع کر رہے ہیں

وزیراعظم شہباز شریف کی زیر صدارت اجلاس ہوا جس میں قومی زرعی پالیسی کو عصری تقاضوں سے ہم آہنگ کرنے پر غور ہوا، وزیراعظم نے ورکنگ کمیٹیاں تشکیل دینے، سفارشات پیش کرنے اور زرعی ڈیجیٹلائزیشن اور مصنوعی ذہانت کے اطلاق پر بھی زور دیا۔ اجلاس میں اسمارٹ فون اور انٹرنیٹ کی دستیابی بہتر کرنے اور کسانوں کا مرکزی ڈیٹا تشکیل دینے پر زور دیا گیا۔

شہباز شریف نے کہا ہے کہ زرعی شعبے میں آگے بڑھنے کے لیے متعلقہ فریقین کی رائے سے استفادہ کریں گے، مشارتی اجلاس کا مقصد زراعت میں فریقین کی تجاویز سے فائدہ اٹھانا ہے، انہوں نے کہا گھریلو صنعت اور ایس۔ ایم۔ ایز میں بھی بے پناہ صلاحیت موجود ہے، آف سیزن اجناس کی اسٹوریج کا خاطر خواہ انتظام موجود نہیں ہے۔