دلہن نے دولہے سے چرس مانگ کر کہرام مچادیا

ہاٹ لائن نیوز : بھارتی شادیوں میں ہونیوالے مضحکہ خیز واقعات اب ایک عام سی بات سمجھی جاتی ہے لیکن اب شادی کی تقریب میں ایک اور واقعے نے صارفین کو ہنسا دیا۔

رپورٹ کے مطابق بھارت میں شادی کی ایک تقریب میں دلہن نے اپنے دولہا کو بیئر اور چرس کی بوتل لانےکاکہا۔

یہ واقعہ ریاست اتر پردیش کے ضلع بستی میں پیش آیا جہاں شادی کی تقریب ایک ہی دن میں ختم ہوگئی۔

دلہن نے مبینہ طور پر شادی کی رات دولہے سے ‘چرس’ لانے کو کہا، واقعہ الوداعی کے بعد منائی جانے والی روایتی رسم کے دوران پیش آیا۔

اطلاعات کے مطابق لدھیانہ سے تعلق رکھنے والی دلہن نے پہلے شوہر سے بیئر کی بوتل خریدنے کی درخواست کی، جب وہ مان کر جانے لگا تو دلہن نے کہا کہ چرس اور مٹن بھی لے آؤ۔ اس مطالبے پر دولہا ناراض ہو گیا اور صاف انکار کر دیا جس پر جھگڑا ہو گیا۔

دونوں خاندانوں کے درمیان جھگڑا اس حد تک بڑھ گیا کہ ثالثی کی کوششیں بھی ناکام ہوئیں اور دولہا علیحدگی کے فیصلے پر بضد رہا۔ بعد ازاں مقامی پولیس کو اطلاع دی گئی لیکن وہ بھی تنازعہ حل کرنے میں ناکام رہے۔

دلہن کے اہل خانہ نے وضاحت کی کہ وہ مذاق کر رہی ہے اور اسے سنجیدگی سے نہیں لینا چاہیے تاہم دولہے نے دلہن اور اس کے والدین کو گھر واپس بھیج دیا۔