دبئی حکام نے شہریوں کو محتاط رہنے کی ہدایت کر دی
ہاٹ لائن نیوز : دبئی میں نوکری کا جھانسہ دے کر چار افراد کو تین ماہ کے لیے جیل بھیج دیا گیا۔
دبئی پولیس نے دبئی میں واٹس ایپ پر پارٹ ٹائم جاب کی جعلی نوکری کاجھانسہ دینے والے 4 ملزمان کو گرفتار کرکے جیل بھیج دیا۔ ملزمان شہریوں سے نوکریوں کے عوض پیسے بٹورتے تھے۔
رپورٹ کے مطابق تحقیقات کے دوران دبئی پولیس کو پتہ چلا کہ نوکری کے جعلی اشتہاری گروپ نے ایک خاتون کو واٹس ایپ پر نوکری کا جعلی اشتہار بھیجا تھا۔ ملزمان نے خاتون سے نوکری کے لیے رقم مانگی اور کہا کہ دوگنا کر دیں گے تاہم ملزمان نے رقم واپس نہیں کی۔
دبئی کی ایک عدالت نے ملزموں کو دھوکہ دہی اور ملازمت میں جعلسازی کے جرم میں قید کی سزا سنائی جس کے بعد انہیں ڈی پورٹ بھی کر دیا جائے گا۔
دبئی حکام نے شہریوں کو مشورہ دیا ہے کہ وہ اس طرح کے دھوکہ دہی والے پیغامات سے ہوشیار رہیں اور ان کی اطلاع فوری طور پر پولیس کو دیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔