خواجہ سراؤں کے ساتھ بیٹھنے پر باپ نے کرنٹ لگا کر بیٹا مار ڈالا

خواجہ سراؤں کے ساتھ بیٹھنے پر باپ نے کرنٹ لگا کر بیٹا مار ڈالا

اورنگی ٹاون اقبال مارکیٹ میں سگے باپ نے بیٹا قتل کر دیا، ایس۔ ایچ۔ او تھانہ اقبال مارکیٹ کا کہنا ہے کہ ملزم نے اپنے بیٹے کو خواجہ سراوں کے ساتھ بیٹھنے سے منع کیا اور پھر کرنٹ لگا کر اور پھر بیلچے سے وار کرکے بیٹے کو قتل کر دیا، ملزم نے 21 سالہ بیٹے علی کو خواجہ سراؤں کے ساتھ اٹھنے بیٹھنے سے منع کیا، اور پھر بات نہ ماننے پر انتہائی قدم اٹھایا، ایس ایچ او نے بتایا کہ باپ اور بیٹے کے درمیان کئی دنوں سے تنازع جاری تھا، بات نہ ماننے پر باپ نے پہلے بیٹے کو بجلی کا کرنٹ لگایا اور اس کے بعد بیلچے کے وار سے قتل کر ڈالا، لواحقین کی طرف سے تاحال مقدمہ درج نہیں کروایا گیا، تاہم ملزم کو گرفتار کر لیا گیا ہے اور تفتیش جاری ہے، لاش کو پوسٹ مارٹم کرنے کے لیے اسپتال منتقل کر دیا گیا ہے اور مقدمہ درج نہ ہونے کے باوجود قانونی کارروائی کی جا رہی ہے۔