خواتین کے سروں کو نشانہ بنانے والا ملزم گرفتار کر لیا گیا

ہاٹ لائن نیوز : رات کے وقت گھروں میں گھس کر خواتین کو سروں کا نشانہ بنا کر لوٹنے والا ملزم پولیس کے ہاتھوں پکڑا گیا۔

بھارتی میڈیا کے مطابق اتر پردیش کے علاقے گورکھپور میں پولیس نے اجے نشاد نامی ملزم کو گھروں میں سوئی ہوئی خواتین کو نشانہ بنانے اور ان پر حملہ کرنے والے ملزم کو گرفتار کر لیا۔

رپورٹ کے مطابق چار ماہ کے دوران پانچ واقعات رپورٹ ہوئے جن کے نتیجے میں ایک کی موت اور چار زخمی ہوئے۔ نشاد کو اب قتل سمیت متعدد الزامات کا سامنا ہے۔

میڈیا رپورٹس میں کہا گیا ہے کہ اجے نشاد، جنہوں نے 2022 میں بچوں کے ساتھ بدسلوکی کے الزام میں چھ ماہ کی جیل کاٹی تھی، ضمانت پر رہا ہے۔ ابتدائی طور پر، ملزم گورکھپور واپس آنے سے پہلے سورت میں ٹھہراتھا۔ بعد میں اجے نے مبینہ طور پر رات کو خواتین پر حملہ کرنا شروع کر دیا۔

بھارتی پولیس کے مطابق ملزم نے خاتون کے سر پر وار کر کے اس کے زیورات چرا لیے اور موقع سے فرار ہو گئے۔ پولیس نے بتایا کہ اسی طرح کا حملہ 12 اگست کو ہوا تھا، جب خاتون کو ملزم نے قتل کر دیا تھا۔

سینئر پولیس افسر ڈاکٹر گورو گروور نے میڈیا کو بتایا کہ اس کی شروعات ڈکیتی سے ہوئی جس میں اس نے ایک خاتون پر حملہ کیا اور اس کے سر پر وار کیا۔ بعد میں اس نے یہی طریقہ اختیار کیا۔