اسلام آباد: حکومت نے سونے کی درآمد اور برآمد پر عائد پابندی ختم کرنے کا فیصلہ کر لیا ہے۔
ذرائع کے مطابق وزارت تجارت اس حوالے سے ایک سمری اقتصادی رابطہ کمیٹی (ای سی سی) کو ارسال کرے گی تاکہ پابندی کے خاتمے کی باضابطہ منظوری لی جا سکے۔
یاد رہے کہ رواں سال مئی میں سونے کی درآمد اور برآمد پر پابندی عائد کی گئی تھی۔ یہ فیصلہ اس وقت سونے کی اسمگلنگ کی شکایات کے پیش نظر کیا گیا تھا۔ تاہم، ذرائع کا کہنا ہے کہ حالیہ مہینوں میں اسمگلنگ سے متعلق کوئی نئی شکایات موصول نہیں ہوئیں۔
متعلقہ حکام کا کہنا ہے کہ تجارت کے فروغ اور ریگولیٹڈ طریقے سے سونے کے لین دین کو بحال کرنے کے لیے یہ قدم اٹھایا جا رہا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔