تربت: ڈپٹی کمشنر کےقافلےپرریموٹ کنٹرول بم حملہ، 6افرادزخمی
تربت میں ڈپٹی کمشنر کیچ میجر (ر) بشیر احمد بڑیچ کے قافلے کے قریب ریموٹ کنٹرول بم حملے میں پانچ لیویز اہلکار اور ایک راہگیر زخمی ہو گئے، تاہم ڈپٹی کمشنر محفوظ رہے۔
حملہ تربت پریس کلب روڈ پر اس وقت ہوا جب ڈپٹی کمشنر کا قافلہ وہاں سے گزر رہا تھا۔ ایس ایس پی کیچ کیپٹن (ر) زوہیب محسن بلوچ نے بتایا کہ بم موٹر سائیکل میں نصب کیا گیا تھا اور اسے ریموٹ کنٹرول کے ذریعے اڑایا گیا۔
حملے کے بعد پولیس اور فرنٹیئر کور کی ٹیمیں فوری طور پر موقع پر پہنچ گئیں اور زخمیوں کو قریبی ہسپتال منتقل کر دیا گیا۔ حکام کے مطابق زخمیوں کی حالت خطرے سے باہر ہے اور تحقیقات جاری ہیں۔
ذرائع کے مطابق ڈپٹی کمشنر میجر (ر) بشیر احمد بڑیچ اس حملے میں بالکل محفوظ رہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔