تاجروں کی ڈیمریج چارجز معاف کرنے کی اپیل

تاجروں کی ڈیمریج چارجز معاف کرنے کی اپیل

مال بردار گاڑیوں کی ہڑتال سے اسٹیل درآمد کنندگان بڑی پریشانی میں مبتلا ہوئے ہیں، ٹرانسپورٹرز کی ہڑتال کے سبب پورٹ پر خام مال جہازوں پر موجود ہے، سب سے زیادہ تعداد میں لوہے کے کوائلز پھنسنے سے روزانہ لاکھوں کے ڈیمریج چارجز ادا کرنے پر رہے ہیں۔صدر آئرن اسٹیل مچنٹس نے حکومت سے مطالبہ کیا ہے کہ ٹرانسپورٹرز کی ہڑتال فی الفور ختم ہونی چاہیے، اور ٹرانسپورٹرز کے مسائل حل ہونے چاہیے۔

انہوں نے کہا کہ ڈیمریج چارجز معافی کی درخواست کے۔ جی۔ ٹی۔ ایل میں جمع کروا دی گئی ہے، اسٹیل انڈسٹری کو کروڑوں کا نقصان ہو رہا ہے، ٹرانسپورٹرز اور حکومت کے درمیان مذاکرات فیل ہوئے ہیں، حکومت اس مسئلے کو فی الفور حل کرے، انھوں نے کہا کہ تاجر برادری کا مطالبہ ہے کہ ہڑتال کے دوران ڈیمریج چارجز معاف ہونے چاہیں، ہماری تجارت تباہ ہو رہی ہے، وزیر اعظم اور وزیر تجارت اس بات کا فوری نوٹس لیں۔