بھارت نے دفاعی بجٹ میں نمایاں اضافہ کر دیا

نئی دہلی: بھارت نے مالی سال 2026 کے لیے دفاعی بجٹ میں قابلِ ذکر اضافہ کیا ہے۔ نئی مالی سال کی بجٹ تقریر میں حکومت نے دفاع کے لیے مجموعی طور پر 7,850 ارب بھارتی روپے مختص کرنے کا اعلان کیا، جو پچھلے سال کے 6,810 ارب روپے کے بجٹ سے تقریباً 15 فیصد زیادہ ہے۔
حکومت نے خصوصی طور پر دفاعی سرمایہ کاری پر توجہ مرکوز کی ہے۔ گزشتہ سال 1,800 ارب روپے کی بجائے اس سال دفاعی سرمایہ کاری کے لیے 2,310 ارب روپے مختص کیے گئے ہیں، یعنی اس میں 28 فیصد اضافہ ہوا ہے۔ اس کا مقصد جدید ہتھیاروں کی خریداری اور ملکی دفاعی صنعت کو مضبوط کرنا بتایا گیا ہے۔
وزیرِ خزانہ نرملا سیتارمن کے مطابق فوج کی جدید کاری کے لیے 2,190 ارب روپے رکھے گئے ہیں، جو پچھلے سال کے مقابلے میں تقریباً 22 فیصد زیادہ ہیں۔ روزمرہ فوجی اخراجات میں بھی 17.24 فیصد اضافہ کیا گیا ہے، جبکہ فوجی پنشن کے لیے بجٹ 1,710 ارب روپے تک بڑھا دیا گیا ہے۔
ماہرین کا کہنا ہے کہ دفاعی بجٹ میں یہ اضافہ غیر متوقع نہیں تھا، کیونکہ گزشتہ سال پاکستان کے ساتھ جھڑپوں کے بعد دفاعی حکام نے پہلے ہی اضافے کی سفارش کی تھی۔