آسٹریلیا کے خلاف تیسرے ون ڈے میچ میں زخمی ہونے والے بھارتی بلے باز شریاس ائیر کو طبیعت میں بہتری کے بعد اسپتال سے فارغ کر دیا گیا ہے۔
ذرائع کے مطابق شریاس ائیر کو سڈنی میں میچ کے دوران پیٹ اور پسلیوں میں چوٹ آئی تھی، جس کے بعد انہیں طبی معائنے کے لیے اسپتال منتقل کیا گیا تھا۔
ڈاکٹروں نے تصدیق کی ہے کہ ائیر کی حالت میں نمایاں بہتری آئی ہے، تاہم وہ مکمل فٹنس حاصل کرنے تک سڈنی ہی میں قیام کریں گے۔
ائیر کی انجری 25 اکتوبر کو پیش آئی تھی اور انہیں کچھ وقت کے لیے آئی سی یو میں بھی رکھا گیا تھا۔
بھارتی ٹیم مینجمنٹ کے مطابق شریاس ائیر کی فٹنس پر مسلسل نظر رکھی جا رہی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔