بھارتی الزامات کے خلاف سینیٹ میں قرارداد منظور
سینیٹ میں بھارت کے الزامات کے خلاف قرارداد متفقہ طور پر منظور کر لی گئی ہے، جس میں بھارت کے تمام تر الزامات کو مسترد کیا گیا ہے، چئیرمین سینیٹ یوسف رضا گیلانی نے سینیٹ اجلاس کی صدارت کی جبکہ ایوان میں معمول کی کاروائی معطل رہی، نائب وزیر اعظم نے بھارتی اقدامات کے خلاف قرارداد پیش کی، قرارداد میں دہشت گردی کی شدید مذمت کی گئی ہے، پاکستان ہر قسم کی دہشت گردی کی مذمت کرتا ہے، بھارت کے تمام الزامات کو مسترد کرتے ہیں۔
قرارداد میں کہا گیا ہے کہ بھارت کی من گھڑت مہم، جھوٹے پروپیگنڈے کی سینیٹ نے مذمت کی ہے اور بھارت کا معاہدہ معطل کرنا جنگی اقدام کے مترادف قرار دیا گیا ہے، پاکستان ہر قسم کی بھارتی جنون کا بھرپور جواب دینے کی صلاحیت رکھتا ہے اور پاکستانی قوم خود مختاری، سلامتی اور امن کی حامی ہے، اسحاق ڈار نے قرارداد پیش کرتے ہوئے کہا کہ کسی نے بھی پاکستان کو میلی آنکھ سے دیکھا تو وہ یہ بات جان لے کہ ہم پوری طرح سے تیار ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔