بالی وڈ اداکار سلمان خان کو حال ہی میں بلوچستان سے متعلق اپنے ایک بیان کے باعث شدید تنقید کا سامنا ہے۔ سعودی عرب کے دارالحکومت ریاض میں منعقدہ ایک تقریب کے دوران اداکار نے گفتگو کرتے ہوئے مختلف ممالک کے لوگوں کا ذکر کیا جو سعودی عرب میں ملازمت کے سلسلے میں مقیم ہیں۔
سلمان خان نے اپنی گفتگو میں کہا کہ “یہاں مختلف ملکوں سے لوگ آتے ہیں، مثلاً بلوچستان سے، افغانستان سے، پاکستان سے”، جس کے بعد سوشل میڈیا صارفین نے ان کے بیان کو متنازع قرار دے دیا۔
اداکار کے اس جملے کی ویڈیو وائرل ہونے کے بعد ٹوئٹر (ایکس) پر صارفین نے سخت ردِعمل دیا۔ بہت سے صارفین نے واضح کیا کہ بلوچستان پاکستان کا صوبہ ہے، کوئی الگ ملک نہیں۔
کچھ صارفین نے طنزیہ تبصرے کرتے ہوئے سلمان خان کو “خالصتان” کی یاد دلائی۔ ایک صارف نے لکھا، “بلوچستان پاکستان کا حصہ ہے، تم اپنے خالصتان کی فکر کرو”، جب کہ ایک اور صارف نے کہا، “آپ نے خالصتان کا ذکر کیوں نہیں کیا؟ وہاں کے لوگ بھی بھارت میں کام کرتے ہیں۔”
سلمان خان کی جانب سے تاحال اس معاملے پر کوئی وضاحت یا ردِعمل سامنے نہیں آیا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔