ہاٹ لائن نیوز : کراچی شہر میں بغیر تحقیق کے سیکیورٹی گارڈز کی بھرتی سیکیورٹی رسک بن گئی ہے۔ پنجاب کو مطلوب اور مفرور ملزم نے 14 ماہ تک کراچی میں سیکیورٹی گارڈ کے طور پر کام کیا۔
گلشن اقبال بلاک 7 سے گرفتار ملزم وسیم نے دوران تفتیش اہم انکشافات کیے ، ملزم وسیم نے گزشتہ سال باغبانپورہ میں ناصر کو قتل کیا تھا اور مقتول کی بیوی کو لے کر پہلے راولپنڈی اور پھر کراچی فرار ہو گیا تھا۔ بیان کے مطابق وسیم اور فرح کراچی کے علاقے گلشن کے علاقے مدھو گوٹھ میں چھپے ہوئے تھے۔
وسیم کو کراچی میں بغیر دستاویزات کے گھر اور نوکری مل گئی، گلشن مادھو گوٹھ میں 9 ہزار کرائے پر مکان ملا، کچھ عرصہ سبزی منڈی میں کام بھی کیا۔
ملزم کے مطابق سیکیورٹی کمپنی میں سیکیورٹی گارڈ کے طور پر کام کرنے کے بعد سیکیورٹی کمپنی نے مجھ سے کوئی کاغذات نہیں مانگے، مجھے بغیر کسی تربیت کے سیکیورٹی گارڈ بھرتی کیا گیا۔
پولیس حکام کے مطابق ملزم قتل کے بعد کراچی میں روپوش تھا جس کی تلاش میں پنجاب پولیس آگئی، ملزم کو خاتون سمیت گرفتار کرکے پنجاب پولیس کے حوالے کردیاگیاہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔