بغداد: امریکی سفارتخانے پر ڈرون اور راکٹ حملہ، سکیورٹی کی کشیدگی میں اضافہ

عراق کے دارالحکومت بغداد میں امریکی سفارتخانے کو ڈرونز اور راکٹوں کے ذریعے نشانہ بنایا گیا، جسے مقامی سکیورٹی ذرائع حالیہ حملوں میں سب سے شدید قرار دے رہے ہیں۔
عراقی حکام کے مطابق حملہ بغداد کے مرکزی بین الاقوامی زون میں کیا گیا، جہاں حالیہ مہینوں میں متعدد خطرناک واقعات پیش آچکے ہیں۔ عراقی سکیورٹی ذرائع نے بتایا کہ یہ حملہ صورتحال کو مزید نازک بنا سکتا ہے۔
اب تک جانی یا مالی نقصان کی مکمل تفصیلات سامنے نہیں آئیں، لیکن امریکی سفارتخانے نے حملے سے تقریباً چھ گھنٹے قبل عراق میں موجود اپنے شہریوں کے لیے نیا سیکیورٹی الرٹ جاری کیا تھا۔
خبر رساں اداروں کے مطابق، اس الرٹ میں ایران سے منسلک مسلح گروہوں کی جانب سے بغداد کے اہم علاقوں کو مسلسل نشانہ بنانے کی خبردار کیا گیا تھا، جس کے نتیجے میں سکیورٹی خدشات میں اضافہ ہو گیا ہے۔