صدرِ پاکستان آصف علی زرداری چار روزہ سرکاری دورے پر عراق پہنچ گئے ہیں۔ بغداد آمد پر عراقی حکام نے ان کا خیرمقدم کیا۔
دورے کے دوران صدر آصف علی زرداری کی عراقی قیادت سے اہم ملاقاتیں متوقع ہیں، جن میں دونوں ممالک کے درمیان مختلف شعبوں میں تعاون کو فروغ دینے پر تبادلۂ خیال کیا جائے گا۔
ایوانِ صدر کے مطابق یہ دورہ پاکستان اور عراق کے دوطرفہ تعلقات کو مزید مضبوط بنانے میں معاون ثابت ہوگا۔
اس دوران صدرِ پاکستان نے فضائی سفر کے دوران برادر اسلامی ملک ایران سے بھی یکجہتی کا اظہار کیا۔ جب صدارتی طیارہ ایرانی فضائی حدود میں داخل ہوا تو صدر آصف علی زرداری نے ایرانی سپریم لیڈر آیت اللہ علی خامنہ ای اور ایرانی صدر مسعود پزشکیان کے نام پیغام ارسال کیا، جس میں باہمی احترام اور علاقائی تعاون کے فروغ پر زور دیا گیا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔