برمنگھم کا آسمان اچانک گلابی ہوگیا , حقیقت جان کر دم بخود رہ جائیں!

برمنگھم — جمعرات کی شام شہر کا آسمان اچانک گلابی روشنی سے روشن ہو گیا، جس نے پورے مغربی مڈلینڈز علاقے کو دلکش رنگوں میں رنگ دیا۔ شہریوں نے اس حیرت انگیز منظر کو کیمروں میں قید کیا اور سوشل میڈیا پر شیئر کیا، جس سے دنیا کے دیگر حصے کے لوگ بھی محظوظ ہوئے۔
ابتدائی طور پر کچھ لوگوں نے اسے سورج غروب یا شمالی روشنی کا مظہر سمجھا، لیکن حقیقت میں یہ منظر موسمی اور تکنیکی عوامل کا نتیجہ تھا۔
برمنگھم سٹی فٹبال کلب کے اسٹیمڈیم کی ایل ای ڈی لائٹس اور شہر میں موجود برف کی تہہ نے مل کر روشنی کو منعکس کیا، جس کی وجہ سے آسمان گلابی رنگ میں نظر آیا۔ فٹبال کلب نے بھی اس کی تصدیق کی۔
ماہرینِ موسمیات کے مطابق جب گھنے بادل ہوں، زمین پر برف پڑی ہو اور اردگرد مضبوط روشنی موجود ہو تو روشنی برف اور بادلوں سے منعکس ہو کر آسمان کو سرخی مائل یا گلابی رنگ میں دکھا سکتی ہے۔ برطانیہ کے محکمہ موسمیات کے ماہر گراہم میج کے مطابق برف نیلی روشنی کو زیادہ جذب کرتی ہے، جس کے باعث آسمان پر گلابی اثر پیدا ہوتا ہے۔
یہ منظر کسی فطری معجزے کا نتیجہ نہیں بلکہ موسمِ سرما، بادلوں اور مصنوعی روشنیوں کے حسین امتزاج کا ثمر تھا، جس نے شہریوں کو لمحاتی جادو سے روشناس کرایا۔ ٹھنڈی ہوا، برف کی چمک اور آسمان کی رنگینی نے برمنگھم کو خواب نما منظر میں بدل دیا، جس سے شہریوں کے چہروں پر حیرت اور خوشی کے جذبات نمایاں ہوئے۔
یہ دلکش منظر یاد دلاتا ہے کہ قدرت ہر لمحہ ایک شاہکار تخلیق کرتی ہے، جہاں برف، روشنی اور ہوا مل کر روح کو مسحور کرنے والی تصویر پیش کرتے ہیں۔