“ای چالان، حادثات اور احتجاج: کراچی میں کیا ہونے والا ہے؟”

کراچی: جماعت اسلامی نے شہر میں ہیوی ٹریفک حادثات میں اضافے، ای چالان کے نظام اور حکومتی رویے کے خلاف آج مختلف اہم مقامات پر احتجاجی دھرنے دینے کا اعلان کیا ہے۔

اعلامیے کے مطابق، شہر کی بڑی شاہراہوں اور مرکزی پبلک مقامات پر شام پانچ بجے احتجاج کیا جائے گا۔ امیر جماعت اسلامی کراچی، منعم ظفر خان نورانی، نورانی کباب ہاؤس چورنگی، شاہراہ قائدین پر ہونے والے دھرنے سے خطاب کریں گے۔

دھرنے اسٹارگیٹ شاہراہِ فیصل، ایم اے جناح روڈ، یونیورسٹی روڈ، داؤد چورنگی، کورنگی کراسنگ، تبت سینٹر، موسمیات، پاور ہاؤس چورنگی، حب ریور روڈ، پراچہ چوک شیر شاہ، حیدری نارتھ ناظم آباد، لیاقت آباد 10 نمبر، سہراب گوٹھ اور اورنگی ٹاؤن پانچ نمبر پر بھی کیے جائیں گے۔

یاد رہے کہ چند روز قبل امیر جماعت اسلامی پاکستان، حافظ نعیم الرحمان، نے موجودہ سسٹم کے خلاف احتجاجی تحریک شروع کرنے کا اعلان کیا تھا۔