ایڈز کے مریض کی مسخ شدہ لاش مل گئی

ہاٹ لائن نیوز : بھارت میں ایڈز کے مریض کی بری طرح مسخ شدہ لاش ملی ہے۔ ملزم نے حساس اعضاء نکال لیے تھے۔ 25 سالہ متاثرہ شادی شدہ تھا لیکن اس کے سیل فون چیٹ ریکارڈز کے جائزے سے یہ بات سامنے آئی کہ اس کے ایک مرد کیساتھ “تعلقات” ہیں۔

مسخ شدہ لاش دہلی کے پالم وہار ریلوے اسٹیشن کے قریب سے ملی۔ پولیس کا کہنا ہے کہ مقتول کے جسم پر چھریوں کے نشانات ہیں۔

پولیس کو اس شخص کی لاش 27 نومبر کو ملی تھی۔ لاش کو گلنے کا عمل شروع ہو چکا تھا۔ ایک راہگیر نے پولیس کو اطلاع دی۔ لاش کے قریب سے ایک موبائل فون بھی ملا ہے۔

25 نومبر کو دوارکا سیکٹر 23 پولیس اسٹیشن میں گمشدگی کی رپورٹ درج کرائی گئی تھی۔ یہ شخص ایک ای کامرس کمپنی میں ایگزیکٹو کے طور پر کام کرتا تھا۔

ابتدائی تفتیش کے دوران معلوم ہوا کہ متوفی کے سر پر بڑے پتھر یا اینٹ سے وار کیا گیا تھا۔ سی سی ٹی وی فوٹیج میں دکھایا گیا ہے کہ یہ شخص پالم وہار ریلوے اسٹیشن یارڈ کی طرف جا رہا تھا اور دو افراد اسکا پیچھا کر رہے تھے۔

پولیس نے سی سی ٹی وی فوٹیج میں نظر آنے والے دونوں افراد سے پوچھ گچھ کی ہے تاہم وہ قتل سے کوئی تعلق ثابت نہیں کر سکے۔