ایپل نےآئی فون 17 سیریزاور نئی ڈیوائسزمتعارف کرادیں

ایپل نے اپنی سالانہ ٹیکنالوجی ایونٹ کے دوران آئی فون 17 سیریز، آئی فون 17 ایئر، ایئرپوڈز پرو 3 اور نئی ایپل واچز پیش کر دی ہیں۔ یہ تمام مصنوعات 19 ستمبر سے عالمی مارکیٹ میں دستیاب ہوں گی۔

اس بار ایپل نے سب سے زیادہ توجہ آئی فون 17 ایئر پر دی ہے، جسے کمپنی نے اب تک کا سب سے پتلا آئی فون قرار دیا ہے۔ اس کی موٹائی صرف 5.6 ملی میٹر ہے اور اس کی قیمت 1000 امریکی ڈالر رکھی گئی ہے، جو پاکستانی کرنسی میں تقریباً 2 لاکھ 85 ہزار روپے بنتی ہے۔ فون میں طاقتور A19 پرو چپ اور صرف eSIM سپورٹ شامل ہے۔ یہ ماڈل چار رنگوں میں پیش کیا گیا ہے: اسپیس بلیک، کلاؤڈ وائٹ، لائٹ گولڈ اور اسکائی بلیو۔

آئی فون 17 سیریز

آئی فون 17 کی ابتدائی قیمت 800 ڈالر (تقریباً 2 لاکھ 28 ہزار روپے) مقرر کی گئی ہے۔ اس ماڈل میں 6.3 انچ بڑی اسکرین، 120 ہرٹز ریفریش ریٹ، 48 میگا پکسل کانیا بیک کیمرہ اوربہترفرنٹ کیمرہ شامل ہے۔ بیس ماڈل 256 جی بی اسٹوریج کیساتھ آتا ہے۔

آئی فون 17 پرو کی قیمت 1,100 ڈالر (تقریباً 3 لاکھ 14 ہزار روپے) ہے۔ اس ماڈل میں نئی ایلومینیم باڈی، بہتر کولنگ سسٹم اور اپڈیٹڈ کیمرہ سسٹم شامل ہے۔

آئی فون 17 پرو میکس میں 2 ٹیرا بائٹ تک اسٹوریج کی سہولت دی گئی ہے۔ اس کی قیمت 1,200 ڈالر (تقریباً 3 لاکھ 42 ہزار روپے) رکھی گئی ہے۔

ایئرپوڈز پرو 3

ایپل کے نئے ایئرپوڈز پرو 3 میں بہتر نوئز کینسلیشن، دل کی دھڑکن مانیٹر کرنے کی صلاحیت اور لائیو ٹرانسلیشن جیسے فیچرز شامل کیے گئے ہیں۔ ایک بار چارج پر یہ آٹھ گھنٹے تک کام کرتے ہیں۔ ان کی قیمت 249 ڈالر (تقریباً 71 ہزار روپے) ہے۔

ایپل واچز

ایپل نے تین نئی واچز بھی متعارف کرائی ہیں:

ایپل واچ سیریز 11 (399 ڈالر – تقریباً 1 لاکھ 14 ہزار روپے)

ایپل واچ ایس ای 3 (249 ڈالر – تقریباً 71 ہزار روپے)

ایپل واچ الٹرا 3 (799 ڈالر – تقریباً 2 لاکھ 28 ہزار روپے)

نئی واچز میں بلڈ پریشر الرٹ اور سیٹلائٹ کنیکٹیویٹی جیسے جدید فیچرز دیے گئے ہیں۔ البتہ بلڈ پریشر کا فیچر تاحال متعلقہ اداروں کی منظوری کا منتظر ہے۔