واشنگٹن میں منعقدہ امریکی۔سعودی سرمایہ کاری فورم سے خطاب کرتے ہوئے ٹیسلا اور اسپیس ایکس کے سربراہ ایلون مسک نے کہا ہے کہ تیزی سے ترقی کرتی مصنوعی ذہانت اور روبوٹ انسانوں کے لیے کام کو ‘انتخاب’ بنا دیں گے، جب کہ پیسے کی اہمیت کم ہو جائے گی اور معاشرے میں غربت نہ ہونے کے برابر رہ جائے گی۔
مسک کے مطابق اگلے 10 سے 20 برسوں میں اے آئی اور انسان نما روبوٹ معاشرتی اور معاشی ڈھانچے کو بنیادی طور پر بدل دیں گے۔ انہوں نے ٹیسلا کے ہیومانوئڈ روبوٹ ’آپٹیمس‘ کو اس تبدیلی کی نمایاں مثال قرار دیتے ہوئے کہا کہ ایسی ٹیکنالوجی محنت کی ضرورت کم کر دے گی اور عالمی معیشت کئی گنا بڑھ سکتی ہے۔
ان کا کہنا تھا کہ مستقبل میں انسان صرف اپنی مرضی اور خوشی کے لیے کام کریں گے، نہ کہ روزگار کی مجبوری کے تحت، اور معاشرے میں کام کی نوعیت ویسے ہی بدل جائے گی جیسے آج شوقیہ سرگرمیاں انجام دی جاتی ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔