اہم اعزاز ملنے پر حنا خان اتنی ناراض کیوں ہیں؟

ہاٹ لائن نیوز : حال ہی میں سرچ انجن گوگل نے دنیا بھر میں سب سے زیادہ سرچ کی جانے والی شخصیات کے ناموں کی فہرست جاری کی ہے۔

اس فہرست کے مطابق 2024 کی سب سے زیادہ سرچ کی جانے والی مشہور شخصیات میں امریکی کامیڈین کیٹ ولیمز ہیں جب کہ دوسرا نام ساؤتھ انڈین سپر اسٹار پون کلیان کا ہے۔

حنا خان پانچویں نمبر پر ہیں، جس کا مطلب ہے کہ حنا خان کو نہ صرف بھارت بلکہ پوری دنیا میں تلاش کیا گیا اور اس کی واحد واضح وجہ یہ ہے کہ انہیں اس سال کینسر کی تشخیص ہوئی تھی۔

لیکن حنا خان اس فہرست میں اپنا نام شامل ہونے پر خوش نہیں ہیں۔ انہوں نے سوشل میڈیا پر لکھا کہ میں نے بہت سے لوگوں کو اس کہانی کو پوسٹ کرتے دیکھا ہے اور مجھے اس پر داد بھی مل رہی ہے۔ لیکن میرے لیے یہ کوئی کامیابی یا قابل فخر چیز نہیں ہے۔ میری دعا ہے کہ کسی کو بھی ان کی بیماری یا ان کی صحت سے متعلق کسی بھی چیز کے لیے گوگل نہ کیا جائے۔

“میں چاہتی ہوں کہ لوگ مجھے، میرے کام، میری کامیابیوں کو گوگل کریں، جیسا کہ وہ میری بیماری سے پہلے کرتے تھے،” حنا نے اپنی خواہش کا اظہار کیا۔