دادو کی ایک عدالت نے اُم رباب چانڈیو کے اہلخانہ کے تہرے قتل کے مقدمے کا فیصلہ سناتے ہوئے تمام ملزمان کو بری کرنے کا حکم دے دیا ہے۔
یہ مقدمہ اُم رباب چانڈیو کے والد، دادا اور چچا کے قتل سے متعلق تھا، جو 17 جنوری 2018 کو پیش آیا تھا۔ کیس طویل عرصے تک زیرِ سماعت رہا اور سندھ کے اہم مقدمات میں شمار کیا جاتا تھا۔
عدالت نے فیصلہ سناتے ہوئے قرار دیا کہ استغاثہ کی جانب سے پیش کیے گئے شواہد اور گواہوں کے بیانات الزامات کو ثابت کرنے کے لیے کافی نہیں تھے، جس کی بنیاد پر تمام ملزمان کو بری کیا گیا۔
یاد رہے کہ اس مقدمے میں رکنِ سندھ اسمبلی سردار چانڈیو، برہان چانڈیو سمیت سات افراد کو نامزد کیا گیا تھا، اور مقدمہ تھانہ میہڑ میں درج کیا گیا تھا۔
قانونی ماہرین کے مطابق فیصلے کے بعد بھی اس کیس میں مزید قانونی کارروائی کے امکانات موجود ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔