اورنگی ٹاؤن میں ڈکیتی کے دوران مزاحمت پر فائرنگ، شخص جاں بحق
کراچی کے علاقے اورنگی ٹاؤن میں ڈکیتی کے دوران مزاحمت پر فائرنگ سے ایک شخص جاں بحق ہو گیا۔ واقعہ اورنگی ٹاؤن کے سیکٹر 11 میں پیش آیا، جہاں دو موٹرسائیکل سوار ملزمان نے ایک شہری کو اُس کے گھر کے دروازے پر نشانہ بنایا۔
پولیس کے مطابق متاثرہ شخص اپنے بچوں کے ہمراہ گھر کے باہر موجود تھا جب ملزمان نے اسے لوٹنے کی کوشش کی۔ معمولی مزاحمت پر ملزمان نے فائرنگ کر دی جس کے نتیجے میں شہری موقع پر جاں بحق ہو گیا۔
واقعے کی سی سی ٹی وی فوٹیج بھی سامنے آئی ہے جس میں فائرنگ کا منظر دیکھا جا سکتا ہے۔ ویڈیو میں نظر آتا ہے کہ ایک بچہ مقتول کی گود میں جبکہ دوسرا اس کے ساتھ کھڑا تھا۔
پولیس حکام کا کہنا ہے کہ واقعے کی تفتیش جاری ہے اور سی سی ٹی وی فوٹیج کی مدد سے ملزمان کی شناخت اور گرفتاری کی کوشش کی جا رہی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔