امریکیوں کےہاتھوں بھارت کی تذلیل چھپانےکی کوشش ناکام

ہاٹ لائن نیوز : ریاستہائے متحدہ امریکہ پہنچنے والے ہندوستانیوں کی جلاوطنی جاری ہے۔ سوشل میڈیا پر ایک تصویر گردش کررہی ہے جو اس دعوے کے ساتھ پوسٹ کی گئی ہے کہ غیر قانونی ہندوستانی تارکین وطن کو ہاتھوں اور پیروں میں ہتھکڑیوں اوربیڑیاں پہناکرجلاوطن کیا جارہا ہے۔ ہندوستانی اخبار “انڈیا ٹوڈے” نے ہندوستانی شہریوں کی ذلت کو چھپانے کے لئے ایک فیکٹ چیک پیش کیا ، جو غلط ثابت ہوا۔

ریاستہائے متحدہ امریکہ میں ڈی پورٹیشن کے چیف مائیکل ڈبلیو بینکسنے جلاوطن لوگوں کی ایک ویڈیو شیئر کی ، جس نے ہندوستانی بیانیےکوجھوٹاثابت کردیا۔

ویڈیو میں ان لوگوں کو دکھایا گیا جنہیں بیڑیوں اور ہتھکڑیوں میں جلاوطن کردیا گیاہے۔

دوسری طرف ، ہندوستانی شہریوں نے جو امریکہ سے واپس بھارت پہنچےہیں انہوں نے تصدیق کی کہ انہیں فوجی طیارے کے ذریعہ واپس بھیج دیا گیا ہے اور ان کے ہاتھ پاؤں پورے سفر میں جکڑے ہوئے ہیں۔

جسپال سنگھ نے ہندوستانی خبر رساں ایجنسی “پی ٹی آئی” کو بتایا کہ ہمیں لگا کہ ہمیں کسی اور کیمپ میں لے جایا جارہا ہے ، لیکن پھر ایک پولیس افسر نے ہمیں بتایا کہ ہمیں واپس ہندوستان بھیجا گیا ہے۔ ہمارے ہاتھ پاؤں ہتھکڑیوں اور زنجیروں میں جکڑے تھے ، جو صرف امرتسر ہوائی اڈے پر کھولے گئے تھے۔