امریکہ نے شام پر عائد پابندیوں میں جزوی نرمی کر دی

ہاٹ لائن نیوز : امریکی محکمہ خزانہ نے شام پر عائد پابندیوں میں نرمی کی ہے اور شام کی نئی حکومت کیساتھ محدود لین دین کی اجازت دینے کیلیے چھ ماہ کا جنرل لائسنس جاری کر دیا ہے۔ اس اقدام کا مقصد شام کو انسانی امداد کی فراہمی میں سہولت فراہم کرنا ہے، جو صدر بشار الاسد کی معزولی اور نئی عبوری حکومت کے قیام کے بعد سے ابھری ہے۔

محکمہ خزانہ کیمطابق یہ عام لائسنس شامی حکومت کیساتھ توانائی کی خرید و فروخت سمیت بعض لین دین کی اجازت دیتا ہے۔ تاہم، اس اقدام سے اسد حکومت کیخلاف مظاہروں پر پابندی نہیں ہٹے گی جو ایک دہائی سے زیادہ عرصے سے جاری ہے۔ اسے نئی عبوری حکومت کیلیے امریکی حمایت کی ایک محدود علامت کے طور پر دیکھا جا رہا ہے۔

محکمہ خزانہ نے ایک بیان میں کہا کہ یہ اقدام اس عزم کی عکاسی کرتا ہے کہ امریکی پابندیاں انسانی ضروریات کو پورا کرنیوالی سرگرمیوں میں رکاوٹ نہیں ڈالیں گی۔

نائب وزیر خزانہ ولی عدیمو نے کہا کہ انکا محکمہ شام میں ایک ذمہ دار حکومت کیلیے انسانی امداد اور دیگر ضروری مدد فراہم کرتا رہے گا۔