امریکہ میں نائب صدر جے ڈی وینس کے گھر پر حملے کی ناکام کوشش، ملزم گرفتار

اوہائیو کے سن سیناٹی میں واقع نائب صدر جے ڈی وینس کے گھر کی کھڑکیاں توڑنے اور املاک کو نقصان پہنچانے والے ایک شخص کو پیر کی صبح حراست میں لیا گیا۔
سیکرٹ سروس کے ترجمان کے مطابق اہلکاروں نے مشتبہ شخص کو اس وقت گرفتار کیا جب وہ وینس کی رہائش گاہ میں داخل ہونے کی کوشش کر رہا تھا۔ اہلکاروں نے بتایا کہ ملزم نے ہتھوڑے سے کھڑکی توڑنے کی کوشش کی اور گھر کے ڈرائیو وے میں سیکرٹ سروس کی ایک گاڑی کو بھی نقصان پہنچایا۔
واقعے کے وقت نائب صدر اور ان کا خاندان گھر پر موجود نہیں تھے۔ سیکرٹ سروس، سن سیناٹی پولیس اور امریکی اٹارنی آفس واقعے کی قانونی کارروائی کر رہے ہیں، جبکہ ملزم پر عائد الزامات کا جائزہ لیا جا رہا ہے۔
والنت ہلز سن سیناٹی کا ایک تاریخی علاقہ ہے، جہاں مشہور ادیبہ ہیریئٹ بیچر اسٹو کا گھر بھی شامل ہے۔