امریکا کی جانب سے 55 ایرانی شہریوں کی ملک بدری، تہران کی تصدیق

ایران نے اعلان کیا ہے کہ امریکا نے 55 ایرانی شہریوں کو حراست میں لینے کے بعد ملک بدر کردیا ہے۔
ایرانی وزارتِ خارجہ کے مطابق یہ افراد آئندہ چند روز میں ایران واپس پہنچ جائیں گے۔

حکام کا کہنا ہے کہ یہ کارروائی سابق امریکی صدر ڈونلڈ ٹرمپ کی امیگریشن پالیسیوں کے تحت ایرانی شہریوں کی دوسری بڑی بے دخلی ہے۔
رواں سال ستمبر میں امریکا نے تقریباً 400 ایرانی شہریوں کی نشاندہی کی تھی جنہیں ملک بدر کیے جانے کا امکان ظاہر کیا گیا تھا، جبکہ اس سے قبل 120 ایرانی شہری امریکا سے نکالے جانے کے بعد دوحہ کے راستے تہران پہنچے تھے۔

وزارتِ خارجہ کے ترجمان اسماعیل بقائی نے 2026 فٹبال ورلڈ کپ کی قرعہ اندازی کے لیے ایرانی ٹیم کے وفد کو ویزا جاری نہ کرنے پر بھی امریکا پر تنقید کی۔