امریکا کا دباؤ کام کرگیا: بھارت نے روسی تیل کی خریداری روکنے کی یقین دہانی کرا دی
امریکا کی جانب سے عائد کیے گئے بھاری تجارتی محصولات کے بعد بھارت نے بالآخر روس سے تیل کی خریداری کم کرنے پر آمادگی ظاہر کر دی ہے۔
امریکی صدر ڈونلڈ ٹرمپ نے میڈیا سے گفتگو کرتے ہوئے دعویٰ کیا کہ بھارتی وزیرِاعظم نریندر مودی نے انہیں روسی تیل کی درآمدات کم کرنے کی یقین دہانی کرائی ہے۔ ان کے بقول، اگرچہ بھارت فوری طور پر روسی تیل کی خریداری بند نہیں کر سکتا، لیکن جلد اس عمل کو روکا جائے گا۔
یاد رہے کہ روس یوکرین تنازعے کے بعد امریکی حکومت روس سے توانائی کی خریداری کو عالمی سطح پر محدود کرنے کی کوششوں میں مصروف ہے۔ اس تناظر میں امریکا نے بھارت پر 50 فیصد ٹیرف عائد کیا تھا، جسے ایک سخت تجارتی قدم تصور کیا جا رہا ہے۔
صدر ٹرمپ نے بھارت کو تنقید کا نشانہ بناتے ہوئے کہا کہ بھارت روسی تیل خرید کر بالواسطہ طور پر یوکرین جنگ میں روسی فوج کو سہارا دے رہا ہے، اور اس سے منافع بھی حاصل کر رہا ہے۔
مزید برآں، امریکی صدر نے معروف امریکی کمپنی ایپل پر زور دیا ہے کہ وہ بھارت میں آئی فون کی تیاری پر نظرِثانی کرے۔
یہ پیش رفت عالمی سطح پر جاری اقتصادی کشمکش اور جغرافیائی سیاست کے بدلتے رخ کی نشاندہی کرتی ہے، جہاں توانائی کی تجارت ایک اہم ہتھیار کے طور پر استعمال ہو رہی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔