افغانستان میں شطرنج پر پابندی

افغانستان میں شطرنج پر پابندی

افغانستان کی طالبان حکومت نے شطرنج کے کھیل پر پابندی لگا دی ہے، حکومت ذرائع کے مطابق یہ کھیل جوئے کا ذریعہ بن چکا ہے جو اسلامی قوانین سے متصادم ہے، طالبان حکومت کے تحت کھیلوں کے ادارے کے ترجمان اطل مشوانی نے کہا ہے کہ شطرنج پر اس وقت تک پابندی رہے گی جب تک اس سے متعلق مذہبی تحفظات کا کوئی واضح حل نہیں مل جاتا۔

اسلامی قوانین کے مطابق شطرنج کو بعض حالتوں میں جوئے کے زمرے میں شمار کیا جاتا ہے، اس لیے اس کھیل کی اجازت دینا مناسب نہیں، طالبان حکومت اس سے پہلے بھی مختلف کھیلوں پر اسلامی اصولوں کے تحت پابندیاں لگا چکی ہے۔ گزشتہ سال مارشل آرٹس پر بھی یہ کہہ کر پابندی لگا دی گئی تھی کہ یہ کھیل پرتشدد ہے اور اسلامی اقدار کے خلاف ہے۔