اس مرتبہ اینٹ کا جواب پتھر سے دیں گے

اس مرتبہ اینٹ کا جواب پتھر سے دیں گے

نائب وزیراعظم اسحاق ڈار نے سینیٹ کے اجلاس میں اظہار خیال کے دوران کہا کہ سینیٹ نے بھارتی جارحیت کے خلاف بھرپور جواب دیا ، قومی سلامتی کا مسئلہ آئے گا تو الحمد للہ ہم سب ایک ساتھ ہیں، ترکیہ اور چین نے بالکل واضح مؤقف اپنایا، چینی وزیر خارجہ سے بات ہوئی تو انہوں نے کہا کہ ہم آپ کے ساتھ کھڑے ہیں اور دوست ملک ہونے کے ناطے آپ کی حمایت کریں گے۔

انھوں نے کہا کہ ترکیہ کے وزیر خارجہ نے بھی بھرپور حمایت کی یقین دہانی کروائی ہے، ترکیہ کے وزیر خارجہ نے بھی کہاہے کہ آپ بتائیں ہم آپ کے لئے کیا کر سکتے ہیں ؟ انہوں نے کہا کہ دوست ممالک کو کہا ہے کہ اس بار اینٹ کا جواب پتھر سے دیں گے، ہم خاموش نہیں بیٹھیں گے بھرپور جواب دیا جائے گا، پہلگام واقعے کا پاکستان سے کوئی لینا دینا نہیں ہے۔