اسٹامپ ڈیوٹی بڑھانے کی تجویز سامنے آگئی

ہاٹ لائن نیوز : اسٹامپ ڈیوٹی بڑھانے کی تجویز بورڈ آف ریونیو کی جانب سے سامنے آئی ہے۔

ای سٹامپ پیپر کی فیس 100 روپے سے بڑھا کر 300 روپے کرنے کی تجویز ہے۔ پراپرٹی سیلز ایگریمنٹ ای سٹیمپ پیپر کی فیس 1200 روپے سے بڑھا کر 3 ہزار روپے کرنے کی تجویز ہے۔

جائیداد کے علاوہ کسی بھی معاہدے کیلیے استعمال ہونے والے ای اسٹامپ پیپر کی فیس 100 روپے سے بڑھا کر 500 روپے کرنے کی تجویز دی گئی ہے۔

5 لاکھ روپے تک کے معاہدوں کیلیے ای اسٹامپ پیپر کی فیس 1200 سے بڑھا کر 3000 روپے کرنے کی تجویز ہے۔

ڈیڑھ کروڑ روپے سے زائد کے اسٹامپ پیپر کی فیس میں 20 ہزار روپے اضافے کی تجویز ہے، طلاق کے لیے استعمال ہونے والے اسٹامپ پیپر کی فیس 100 روپے سے بڑھا کر ایک ہزار روپے کرنے کی تجویز ہے۔

پاور آف اٹارنی کے ای سٹامپ پیپر میں 1500 سے 1800 تک اضافہ کرنے کی تجویز ہے، تمام تجاویز پنجاب حکومت کو بھجوا دی گئی ہیں۔