ہاٹ لائن نیوز : اسلام آباد کے علاقے سنگجانی میں پاکستان تحریک انصاف کے جلسے کے پیش نظر میٹرو بس سروس مکمل طور پر بند کردی گئی۔
پی ٹی آئی کو وفاقی دارالحکومت کے علاقے سنگجانی میں آج سہ پہر جلسے کی اجازت دے دی گئی، جلسے کی سیکیورٹی کو مدنظر رکھتے ہوئے راولپنڈی اسلام آباد میں سیکیورٹی ہائی الرٹ ہے۔
اس حوالے سے میٹروبس انتظامیہ کیمطابق راولپنڈی صدر سٹیشن سے پاک سیکرٹریٹ تک بس سروس بند کر دی گئی ہے۔
راولپنڈی کی مرکزی شاہراہ فیض آباد پر میٹرو بس سروس کو بھی مکمل طور پر سیل کر دیا گیا ہے۔
پی ٹی آئی کے جلسے کو مدنظر رکھتے ہوئے انتظامیہ نے اسلام آباد ایکسپریس وے کو مختلف مقامات پر ٹریفک کے لیے بند کر دیا۔
اس حوالے سے انتظامیہ کا کہنا ہے کہ جڑواں شہروں کو ملانے والے متبادل راستے کھلے ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔