کابل: افغانستان کی عبوری طالبان حکومت نے اسلام آباد میں خودکش دھماکے اور وانا میں کیڈٹ کالج پر حملے کی شدید مذمت کی ہے۔
افغان وزارت خارجہ کے جاری بیان میں کہا گیا ہے کہ اسلام آباد میں دھماکا اور وانا میں تعلیمی ادارے پر حملہ نہایت افسوسناک ہے اور وہ ان دہشت گرد کارروائیوں کی سخت الفاظ میں مذمت کرتے ہیں۔ بیان میں زخمیوں کی جلد صحت یابی اور قیمتی جانوں کے ضیاع پر گہرے دکھ کا بھی اظہار کیا گیا۔
واضح رہے کہ گزشتہ روز اسلام آباد کے جی-11 کچہری کے باہر ہونے والے خودکش دھماکے میں 12 افراد جان کی بازی ہار گئے اور تقریباً 30 زخمی ہوئے۔ اس کے دو روز قبل وانا میں کیڈٹ کالج پر دہشت گردوں نے حملہ کیا، تاہم سکیورٹی فورسز نے اسے ناکام بناتے ہوئے تمام چار حملہ آوروں کو ہلاک کر دیا۔
سکیورٹی ذرائع کے مطابق وانا کالج پر حملہ کرنے والے دہشت گرد افغانستان سے رابطے میں تھے۔ وزیر اطلاعات عطا تارڑ کا کہنا ہے کہ دونوں حملوں کی تحقیقات کے ٹھوس شواہد بین الاقوامی فورمز پر پیش کیے جائیں گے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔