اسلام آباد: پاکستان ایئرپورٹس اتھارٹی نے اسلام آباد ایئرپورٹ سے پروازوں کے حوالے سے نیا نوٹم جاری کر دیا ہے۔
نوٹم کے مطابق لاہور فلائٹ انفارمیشن ریجن کے 6 سیکٹرز کو 16 مارچ کو عارضی طور پر بند رکھنے کا فیصلہ کیا گیا ہے۔ اس دوران اسلام آباد ایئرپورٹ پر کمرشل پروازوں کی لینڈنگ اور ٹیک آف معطل رہے گا۔
اعلامیے کے مطابق 16 مارچ کو صبح 8 بج کر 30 منٹ سے صبح 10 بج کر 30 منٹ تک اسلام آباد ایئرپورٹ پر طیاروں کی آمد و رفت بند رہے گی۔
اس دوران فضاء میں موجود پروازوں کو اسلام آباد ایئرپورٹ پر لینڈنگ کے لیے انتظار کرنا پڑ سکتا ہے۔ ایئرپورٹس اتھارٹی نے طیاروں کے کپتانوں کو ہدایت کی ہے کہ وہ اضافی ایندھن ساتھ رکھیں تاکہ کسی بھی ممکنہ تاخیر کی صورت میں مشکلات سے بچا جا سکے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔