اسرائیل کی وحشیانہ بمباری ، 100 افراد شہید

ہاٹ لائن نیوز : غزہ میں ایک اسکول پر اسرائیلی حملے میں 100 سے زائد افراد ہلاک ہو گئے۔ حملہ اس وقت کیا گیا جب فجر کی نماز ادا کی جا رہی تھی۔ مرنے والوں میں 40 سے زائد بچے بھی شامل ہیں۔

الجزیرہ کی رپورٹ کے مطابق دراج محلے میں صبح کی نماز کے دوران بم دھماکہ ہوا۔ مقامی میڈیا رپورٹس کے مطابق حملے کے بعد اسکول میں آگ بھڑک اٹھی جسے بجھانے کے لیے امدادی ٹیمیں کام کر رہی ہیں۔

اسرائیلی فوج نے دعویٰ کیا ہے کہ اس نے جس اسکول پر صبح سویرے حملہ کیا وہ حماس کے ہیڈکوارٹر کے طور پر کام کر رہا تھا اور وہ “دہشت گردوں” کی رہائش گاہ تھا۔

غزہ کے رہائشیوں کے مطابق تین راکٹ اسکول پر اس وقت گرے جب لوگ صبح کی نماز میں شرکت کر رہے تھے اور اسکول کو بے گھر فلسطینیوں کے لیے پناہ گاہ کے طور پر استعمال کیا جا رہا تھا۔