اسرائیلی حملے کے خلاف سینیٹ اور قومی اسمبلی میں قرارداد منظور
قومی اسمبلی اور سینیٹ میں ایران پر اسرائیلی حملے کے خلاف مذمتی قراردادیں متفقہ طور پر منظور کی گئیں ہیں، سینٹ میں وزیر خارجہ اسحق ڈار نے مذمتی قرارداد پیش کی ، قرارداد کے متن میں کہا گیا ہے کہ سینیٹ اسرائیلی حملے کی شدید مذمت کرتا ہے ،اسرائیل نے ہمارے برادر اسلامی ملک پر حملہ کیا ہے، پاکستان ایران کی حکومت اور عوام کے ساتھ یکجہتی کا اظہار کرتا ہے، اسرائیل نے اقوام متحدہ کے چارٹر کی خلاف ورزی کی ہے۔
قومی اسمبلی میں بھی اسرائیل کے ایران پر حملے کے خلاف مذمتی قرارداد منظو ر کی گئی ہے، پاکستان پیپلز پارٹی کے رہنما نوید قمر نے قرارداد پیش کرتے ہوئے کہا کہ اسرائیلی حملہ عالمی قوانین کی کھلم کھلا خلاف ورزی ہے، اسرائیل نے جارحانہ اقدامات سے دنیا کا امن خطرے میں ڈالا ہے، پاکستان اس مشکل گھڑی میں ایران کے ساتھ کھڑا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔