اسرائیلی حملے میں پاسداران انقلاب کے سربراہ شہید

اسرائیلی حملے میں پاسداران انقلاب کے سربراہ شہید

غیر ملکی خبر رساں ایجنسی کے مطابق اسرائیلی فضائی حملوں میں پاسدارانِ انقلاب کے سربراہ میجر جنرل حسین سلامی شہید ہو گئے ہیں، جنرل سلامی ایران کے سب سے سینئر فوجی رہنماؤں میں سے ہیں جو کہ حالیہ حملوں میں مارے گئے، جنرل حسین سلامی نے 1980 میں پاسدارانِ انقلاب میں شمولیت اختیار کی، وہ امریکہ اور اس کے اتحادیوں کے خلاف سخت بیانات دینے کے حوالے سے مشہور ہوئے ہیں۔

2000 میں وہ اقوامِ متحدہ کی سلامتی کونسل اور امریکہ کی طرف سے ایران کے جوہری اور فوجی پروگراموں میں کردار کے باعث پابندیوں کی زد میں رہے، وہ 2024 میں پاسدارانِ انقلاب کے سربراہ تھے جب ایران نے پہلی بار اسرائیل پر براہِ راست فوجی حملہ کیا، جس میں 3 سو سے زائد ڈرونز اور میزائل فائر کیے گئے تھے، جنرل سلامی نے کہا تھا کہ ایران ہر ممکنہ صورتحال، منظرنامےاور حالات کے لیے ہر وقت تیار ہے، انہوں نے کہا کہ دشمن یہ سمجھتا ہے کہ وہ ایران سے بھی ویسے ہی لڑ سکتا ہے جیسے وہ فلسطینیوں سے لڑتا ہے،ہم جنگ کا تجربہ رکھتے ہیں اور جنگ کے لیے تیار ہیں۔