پاکستان کی نجی ائیرلائن ائیر سیال نے اعلان کیا ہے کہ وہ ابوظہبی سے پاکستان کے لیے ہفتہ وار پروازیں شروع کرے گا۔ اس نئے روٹ کے تحت اسلام آباد اور لاہور کے لیے پروازیں چلائی جائیں گی۔
ائیر سیال کی جانب سے ابوظہبی سے لاہور کے لیے ہفتہ وار تین اور اسلام آباد کے لیے چار پروازیں آپریٹ کی جائیں گی۔ ابتدائی کرایہ صرف ایک ہزار درہم مقرر کیا گیا ہے، جس سے متحدہ عرب امارات میں مقیم پاکستانی کم قیمت پر اپنے وطن کا سفر کر سکیں گے۔
ابوظہبی ایئرپورٹس کے مطابق یہ نئی پروازیں دونوں ممالک کے درمیان معاشی اور سماجی تعلقات کو مزید مضبوط کریں گی۔ ائیر سیال کی پہلی پرواز زاید انٹرنیشنل ایئرپورٹ پر پہنچی۔
ابوظہبی ایئرپورٹس کی منیجنگ ڈائریکٹر اور سی ای او ایلینا سورلینی نے خوش آمدید کہا اور کہا کہ یہ نیا روٹ ابوظہبی کے تجارتی اور سفری روابط کو فروغ دینے کے ہمارے اسٹریٹجک منصوبے کے مطابق ہے۔
ائیر سیال کے چیئرمین فضل جیلانی نے بھی کہا کہ براہِ راست پروازوں کا آغاز پاکستانی کمیونٹی اور کاروباری سرگرمیوں کے لیے اہم سہولت فراہم کرے گا اور دونوں ممالک کے دیرینہ تعلقات کو مزید مستحکم کرے گا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔