آپ نے جو کرنا ہے کر دیں، ملزم ارمغان کی ڈھٹائی
کراچی کی سٹی کورٹ میں غیرقانونی کال سینٹر چلانے کے مقدمے کی سماعت ہوئی، ایف۔ آئی۔ اے کی طرف سے گرفتار ملزم ارمغان کو عدالت میں پیش کیا گیا، تفتیشی افسر نے مزید جسمانی ریمانڈ کی استدعا کی، تفتیشی افسر نے کہا کہ ملزم نے دورانِ تفتیش اپنے کئی شریک ملزموں کے بارے میں بتایا ہے، جن کی تعداد 5 سے زیادہ ہے۔
سماعت کے دوران جوڈیشل مجسٹریٹ نے ملزم سے کہا کہ ’پہلے تو بہت بولتے تھے، اب کیا ہوا؟‘ جس پر ملزم نے جواب دیا: ’آپ نے جو کرنا ہے آپ وہ کر دیں۔‘ عدالت نے ملزم سے دریافت کیا کہ کیا ایف۔ آئی۔ اے کی طرف سے کوئی تشدد ہوا؟ لیکن ملزم خاموش رہا، عدالت نے دلائل سننے کے بعد جسمانی ریمانڈ مسترد کرتے ہوئے ملزم کو جیل منتقل کرنے کا حکم دیا ہے اور سماعت آئندہ تاریخ تک کے لیے ملتوی کر دی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔