آسٹریلیا کے وزیراعظم نے شادی کر لی

آسٹریلیا کے وزیراعظم انتھونی البانیز نے اپنی دیرینہ دوست جوڈی ہیڈن سے شادی کر لی ہے۔ دونوں نے پانچ سال کے تعلق کے بعد اپنی زندگی کو ایک ساتھ جوڑنے کا فیصلہ کیا۔

میڈیا رپورٹس کے مطابق، یہ پہلا موقع ہے کہ کسی آسٹریلوی وزیراعظم نے عہدہ سنبھالے ہوئے شادی کی ہو۔ شادی کی تقریب کینبرا میں منعقد ہوئی اور تاریخ کو نجی رکھا گیا۔

انتھونی البانیز اور جوڈی ہیڈن کی ملاقات 2020 میں ایک تقریب کے دوران ہوئی تھی، جس کے بعد تعلقات میں آہستہ آہستہ گہرائی آئی۔ 2022 اور 2025 کی انتخابی مہموں کے دوران جوڈی ہیڈن مختلف بین الاقوامی دوروں اور اہم مواقع پر انتھونی البانیز کے ساتھ نظر آئیں۔

گزشتہ سال فروری میں، ویلنٹائن ڈے کے موقع پر انتھونی البانیز نے جوڈی ہیڈن کو شادی کی پیشکش کی، جسے انہوں نے قبول کر لیا تھا۔

جوڑی نے ایک مشترکہ بیان میں کہا کہ وہ اپنی محبت اور مشترکہ مستقبل کے عزم کو قریبی دوستوں اور رشتہ داروں کے ساتھ شیئر کر کے خوش ہیں۔